परियोजना क्षेत्रले चितवन राष्ट्रिय निकुञ्जलाई हिमालयको पाखासँग जोड्छ र जैविक विविधताको संवेदनशील क्षेत्र हो, जहाँ पारिस्थितिक प्रणालीबारे परम्परागत ज्ञान र औषधीय तथा सुगन्धित वनस्पतिको प्रयोग भएका वन उपभोक्ता समुदाय बस्छन्। लगभग २ दशकको राजनीतिक अस्थिरतापछि नेपालले स्थिरता पुनः प्राप्त गरेको छ र आर्थिक वृद्धिको चाहनासहित खुल्दैछ। अदिगो भू–उपयोगको बढ्दो प्रवृत्ति र धेरै विरोधाभासपूर्ण औद्योगिक तथा पूर्वाधार परियोजना बढ्दै गर्दा चेतना जगाउने, वैकल्पिक विकास दृष्टिकोण निर्माण गर्ने र प्रकृति जोगाउने अत्यावश्यकता छ। यो परियोजनाले राष्ट्रिय जैविक विविधता रणनीति तथा कार्ययोजनाले परिकल्पना गरेझैं वन र जैविक विविधता संरक्षण गर्न, जलवायुको संरक्षण र उत्थानशीलता निर्माण गर्न, मानव सुखसमृद्धि र दिगो विकासमा योगदान गर्न महत्त्वपूर्ण योगदान दिँदै यी चुनौती सम्बोधन गर्छ। आईकेआई र अन्य प्रमुख परियोजनासँग तालमेल विकास गरिनेछ र राष्ट्रिय रूपमा निर्धारित योगदानको कार्यान्वयनलाई सहयोग गरिनेछ।
यो परियोजनाले जलवायु संरक्षण र जैविक विविधता संरक्षणमा योगदान दिनेछ र पारिस्थितिक प्रणाली तथा वन उपभोक्ता समुदायका लागि उत्थानशीलता निर्माण गर्नेछ, २०,००० हेक्टरभन्दा बढी वन र १,००० हेक्टर खेतबारी सुधारिएको व्यवस्थापनमा ल्याउनेछ र प्रोत्साहन तथा प्रदर्शन प्रभावमार्फत ३०,००० हेक्टरलाई अप्रत्यक्ष लाभ पुर्याउनेछ। बाघ (Panthera tigris) सहित कम्तीमा १० दुर्लभ वा विश्वव्यापी रूपमा लोपोन्मुख कशेरुकी प्रजाति र धेरै वनस्पति प्रजातिको संरक्षण, वासस्थान पुनर्स्थापना र तिनको सम्पर्क सुधारमा उल्लेखनीय योगदान दिइनेछ। माटोको ह्युमस तह सुधार गरेर, वन डढेलो रोकेर र वन स्रोतको अत्यधिक उपयोग र अदिगो खेती अभ्यास सम्बोधन गरेर, खेतबारी र वनमा जैविक विविधता प्रवर्द्धन गरेर उत्सर्जन घटाउने र कार्बन सञ्चय हुनेछ। सीमान्तकृत समूह, महिला, युवा र वृद्धवृद्धासहित करिब ३०,००० मानिसले प्रत्यक्ष लाभ पाउनेछन् र जैविक विविधता तथा जलवायुमैत्री भू–उपयोग र उत्पादन, पारिस्थितिक प्रणाली सेवा कायम राख्ने र सुधारिएको उत्थानशीलतामार्फत स्थानीय र क्षेत्रीय विकासबाट करिब १,००,००० मानिसले अप्रत्यक्ष लाभ पाउनेछन्।
परियोजना फ्लायर (अङ्ग्रेजी संस्करण)
परियोजना फ्लायर (नेपाली संस्करण)
जैविक खेती अभ्याससम्बन्धी टुलकिट (अङ्ग्रेजी संस्करण)
जैविक खेती अभ्याससम्बन्धी टुलकिट (नेपाली संस्करण)
गैरकाष्ठ वन पैदावारको दिगो संकलनसम्बन्धी टुलकिट (अङ्ग्रेजी संस्करण)
गैरकाष्ठ वन पैदावारको दिगो संकलनसम्बन्धी टुलकिट (नेपाली संस्करण)
पूर्वी नवलपरासी, नेपालमा आधाररेखा वन कार्बन मूल्याङ्कन प्रतिवेदन
नवलपुर जिल्लामा प्रकृति संरक्षण तथा सामुदायिक विकास
विश्व वातावरण दिवस २०२४
विश्व पृथ्वी दिवस २०२४
विश्व पर्यटन दिवस २०२३
अन्तर्राष्ट्रिय बाघ दिवस २०२३
विश्व वातावरण दिवस २०२३
अन्तर्राष्ट्रिय जैविक विविधता दिवस २०२३
वन डढेलो रोकथाम तथा नियन्त्रण चेतना अभियान
विश्व वातावरण दिवस २०२२
विश्व पृथ्वी दिवस २०२२
परियोजना सुरुवात कार्यशाला
व्यक्ति, संस्था र चासो राख्ने सरोकारवालाले परियोजनाको शासन र परियोजनासँग सम्बन्धित अन्य मुद्दामा प्रतिक्रिया वा गुनासो राख्न सक्छन्।
यस परियोजनासहित अन्तर्राष्ट्रिय जलवायु पहल (आईकेआई) बाट वित्तपोषित परियोजनाको स्वतन्त्र गुनासो संयन्त्र (ICM) का लागि कृपया लिङ्कमा क्लिक गर्नुहोस् आईकेआई ICM.
हामीसँग जोडिनुहोस् | फेसबुक इन्स्टाग्राम
