साझेदार

इसिमोडले क्योटो: थिङ्क ग्लोबल एक्ट लोकल अनुसन्धान परियोजनाको हिस्साका रूपमा सन् २००३ देखि भारत र नेपालमा सामुदायिक कार्बन वन (रेड) मा काम गर्दै आएको छ। वर्षौँदेखि यसले विश्वव्यापी रेड बहसमा भाग लिएको छ र रेडसम्बन्धी एसबीएसटीएमा धेरै प्रस्ताव पेस गरेको छ। यसले कार्बन मूल्याङ्कनमा स्थानीय समुदायलाई संलग्न गराउने सहभागितामूलक विधि पनि विकास गरेको छ र रेडबारे बुझाइ विकास गर्न स्थानीय मानिस तथा अन्य विकास व्यावसायिकका लागि धेरै तालिम सञ्चालन गरेको छ। यस विशेष परियोजनामा इसिमोडले सुदूर संवेदनमा आधारित कार्बन मूल्याङ्कन विधि विकास गरिरहेको छ। समग्रमा इसिमोडको काम हिन्दुकुश हिमालय (HKH) क्षेत्रका आठ क्षेत्रीय सदस्य राष्ट्र – अफगानिस्तान, बङ्गलादेश, भुटान, चीन, भारत, म्यानमार, नेपाल र पाकिस्तानको पर्वतीय वातावरण र जीविकोपार्जनमा केन्द्रित छ। इसिमोड हाल र भविष्यका लागि पर्वतीय जनसङ्ख्याको जीविकोपार्जन सुधार गर्न आर्थिक र वातावरणीय रूपमा सुदृढ पर्वतीय पारिस्थितिक प्रणाली विकास गर्न काम गरिरहेको छ। ज्ञान, सिकाइ र सक्षमकर्ता केन्द्रका रूपमा आफ्नो भूमिका निर्वाह गर्न इसिमोडले क्षेत्रीय सदस्य राष्ट्रका साझेदार र पर्वतीय मानिस तथा समुदायको हितका लागि ज्ञान र जानकारी विकास, सङ्कलन, साझेदारी र प्रसारमा उच्च प्राथमिकता दिएको छ। यस सन्दर्भमा इसिमोडले हिन्दुकुश हिमालय क्षेत्र र अन्यत्रका नीति निर्माता र पर्वतीय समुदायलाई जानकारी दिन र सशक्त बनाउन सिक्ने, नवप्रवर्तन गर्ने, जानकारी र ज्ञानको संस्थागत क्षमता सुदृढ र सुधार गर्न चाहन्छ।

थप विवरणका लागि
इन्टरनेसनल सेन्टर फर इन्टिग्रेटेड माउन्टेन डेभलपमेन्ट (इसिमोड)
पो.ब. ३२२६, काठमाडौँ, नेपाल
फोन (९७७-१) ५००३२२२
फ्याक्स (९७७-१) ५००३२७७
इमेल: [email protected]
वेबसाइट: www.icimod.org

एन्साब समुदायमा आधारित उद्यममुखी समाधानमार्फत जैविक विविधता संरक्षण र आर्थिक विकासप्रति प्रतिबद्ध छ। तल्लो तहदेखि राष्ट्रिय तहसम्म आफ्ना सेवा योजना गरेर र प्रमुख सरोकारवाला तथा सेवाग्राहीसँग सहकार्य गरेर एन्साबले स्थानीय र वैज्ञानिक ज्ञान प्रणाली, नवप्रवर्तन, परिप्रेक्ष्य र अवसरलाई एकीकृत गर्छ र ठोस प्रभाव र फराकिलो दोहोर्‍याइका लागि तिनमा निर्माण गर्छ। एन्साबले बहु–साझेदार र बहुदेशीय परियोजनासहित जमिनमा ठोस नतिजा दिने ३० भन्दा बढी दाता वित्तपोषित परियोजना डिजाइन गरी सफलतापूर्वक सम्पन्न गरेको छ। एन्साबले नेपाल गैरकाष्ठ वन पैदावार सञ्जाल (एनएनएन) व्यवस्थापन गर्छ, जसमा ५० भन्दा बढी संस्थागत र ३०० व्यक्तिगत सदस्य छन् र जसले सरकारको उच्चस्तरीय जडीबुटी तथा गैरकाष्ठ वन पैदावार समन्वय समितिमा नागरिक समाजको प्रतिनिधित्व गर्छ। यसले नेपालमा एफएससी प्रमाणीकरण परिचित गरायो र सफलतापूर्वक पाइलट गर्‍यो र वातावरणीय सेवाका लागि भुक्तानीमा काम गर्छ। हालै एन्साबले स्थानीय समुदायद्वारा वन कार्बन मूल्याङ्कन सञ्चालनका लागि पुस्तिका पनि विकास गरेको छ।

थप विवरणका लागि
एसिया नेटवर्क फर सस्टेनेबल एग्रिकल्चर एण्ड बायोरिसोर्सेज
पो.ब. ११०३५, काठमाडौँ, नेपाल
फोन (९७७-१) ४४९७५४७
फ्याक्स (९७७-१) ४४७६५८६)
इमेल: [email protected]
वेबसाइट: www.ansab.org

सामुदायिक वन उपभोक्ता महासङ्घ, नेपाल (फेकोफन) देशभरका करिब १५,००० सामुदायिक वन उपभोक्ता समूहको औपचारिक सञ्जाल हो, जसले १ करोडभन्दा बढी वन उपभोक्ताको प्रतिनिधित्व गर्छ। ७५ जिल्ला शाखा, ५०० रेन्ज पोस्ट र ८०० स्थानीय तहका इकाइ भएको यो नेपालको सबैभन्दा ठूलो नागरिक समाज सङ्गठन हो। यसले प्राकृतिक स्रोतमाथि वन उपभोक्ताको अधिकार सुरक्षित गर्न देशव्यापी पैरवी अभियान सञ्चालन गर्छ र आफ्ना सुस्थापित अधीनस्थ इकाईमार्फत वन उपभोक्ताको हितका लागि विशिष्ट परियोजना पनि कार्यान्वयन गर्छ। फेकोफनले सन् २००५ मा एफएससी वन प्रमाणीकरण प्राप्त गरेको छ र प्रमाणित क्षेत्र विस्तार गर्न काम गरिरहेको छ। यो अहिले कार्बन रेड संयन्त्रबाट वन उपभोक्तालाई ठोस लाभ दिलाउने प्रयासमा पनि संलग्न छ र यस सम्बन्धमा धेरै परामर्श तथा चेतना अभियान सञ्चालन गर्दै आएको छ। फेकोफन नेपालमा रेड संयन्त्र कार्यान्वयनमा ल्याउन वन तथा भू–संरक्षण मन्त्रालयले गठन गरेको सरकारी रेड कार्यसमूहको सदस्य हो।

थप विवरणका लागि
सामुदायिक वन उपभोक्ता महासङ्घ, नेपाल
पो.ब. ८२१९, काठमाडौँ, नेपाल
फोन (९७७-१) ४४८५२६३
फ्याक्स (९७७-१) ४४८५२६२
इमेल: [email protected]
वेबसाइट: www.fecofun.org

यो परियोजनाले आर्थिक सहयोग पाएको:

नर्वेजियन विकास सहयोग निकाय (नोराड)