सार्वजनिक–निजी–सामुदायिक गठबन्धन (PPCA) का सदस्य योजना बैठकका लागि जिरीमा भेला
५ फेब्रुअरी २०२०
एन्साब र जिरी नगरपालिकाले २०२० फेब्रुअरी ५ मा दोलखाको जिरीमा पीपीसीए (दिगो प्राकृतिक उत्पादनमा आधारित उद्यम तथा स्थानीय आर्थिक विकासका लागि सार्वजनिक–निजी–सामुदायिक गठबन्धन) योजना बैठक संयुक्त रूपमा आयोजना गरे। बैठकमा जिरी नगरपालिकाका नगर प्रमुख तथा प्रमुख प्रशासकीय अधिकृत, वडा अध्यक्ष, एन्साबका कार्यकारी निर्देशक र कार्यक्रम कर्मचारी, जिरी नगरपालिकाका कृषि फोकल पर्सन तथा कृषि प्राविधिक, इलाका वन कार्यालय र पशु विकास केन्द्रका प्रमुख, सामुदायिक वन उपभोक्ता महासङ्घ (फेकोफन)–जिरीका प्रतिनिधि, जिरी प्राविधिक विद्यालय, जिरी उद्योग वाणिज्य सङ्घ, स्थानीय उद्यम एभरेस्ट गेटवे तथा पीपीसीए गठबन्धनका सदस्यको भूमिकामा रहेका किसान समूह र सहकारीसहित ३० भन्दा बढी व्यक्ति सहभागी थिए। यो २०१८ नोभेम्बरमा आयोजित पीपीसीए योजना कार्यशालापछिको पहिलो योजना बैठक थियो, जसले दिगो प्राकृतिक तथा जैविक उत्पादनमा आधारित उद्यम र स्थानीय आर्थिक विकासका लागि पीपीसीए सम्बन्धी जिरी घोषणापत्र जारी गरेको थियो।.
बैठकका क्रममा आयोजकहरूको तर्फबाट एन्साबले पीपीसीए कार्यक्रमअन्तर्गत सञ्चालित गतिविधिको सूची र कार्यक्रम गतिविधि कार्यान्वयन गर्दाका अनुभव र सिकाइका आधारमा सम्भावित गतिविधिको सूची साझा गर्यो। सहभागीहरूले सम्भावित गतिविधिबारे छलफल गरे र यी गतिविधिमा आधारित कार्ययोजना तयार गर्ने र वर्षमा कम्तीमा दुईपटक भेट्ने सहमति गरे।
एन्साबले जिरी नगरपालिकामा सामाजिक र वातावरणीय रूपमा जिम्मेवार स्थानीय आर्थिक विकास मोडेल प्रदर्शन र कार्यान्वयन गर्न, जसको अन्य क्षेत्रमा पनि दोहोर्याइने अपेक्षा गरिएको छ, दिगो प्राकृतिक उत्पादनमा आधारित उद्यम तथा स्थानीय आर्थिक विकासका लागि सार्वजनिक–निजी–सामुदायिक गठबन्धन (पीपीसीए) कार्यक्रम विकास गरी कार्यान्वयन गर्दै आएको छ। यो कार्यक्रमलाई अमेरिकाको एभेडा कर्पोरेसनले सहयोग गरेको छ।