जीसीपी सारसङ्ग्रह कार्यशाला

एन्साब र इन्टरप्राइजवर्क्स वर्ल्डवाइडले कार्यान्वयन गरेको पाँच वर्षे परियोजना जीसीपी–उद्यममा आधारित जैविक विविधता संरक्षण परियोजनाका सिकाइ निकाल्न तीन दिने कार्यशाला आयोजना गरियो। कार्यशालामा एन्सावका सबै कार्यक्रम कर्मचारी, जीसीपी फिल्ड कर्मचारी, दार्चुला फिल्ड टोली र स्थानीय साझेदार गैरसरकारी संस्थाका प्रतिनिधि जमघट भए।

कार्यशालाले एन्सावले आफ्नो दृष्टिकोण र कार्य मोडलबाट हासिल गरेको सफलतासहित फिल्डको अवस्था विश्लेषण गर्‍यो। एन्सावको दृष्टिकोणको सफलता मूल्याङ्कनका लागि सूचक विकास गरियो, सूचक दिगो जैविक विविधता संरक्षण, उत्पादन वृद्धि र लाभको न्यायोचित बाँडफाँडका आधारमा र एन्सावका परियोजना कार्यान्वयनअघि र पछिको अवस्थाका आधारमा निर्धारण गरिए।