पपुवा न्युगिनीको एक अग्रणी औषधि कम्पनीसँग एन्साबको साझेदारी
एन्साब र पपुवा न्युगिनी (पीएनजी) को अग्रणी औषधि कम्पनी सिटी फार्मेसी लिमिटेड (सीपीएल) समूहले पीएनजी मा वन स्रोतको संरक्षण र पारिस्थितिक प्रणाली सेवा कायम राख्न स्थानीय समुदायमा पाइलट परियोजना सुरु गर्ने उद्देश्यले तथ्य अन्वेषण भ्रमणका लागि साझेदारी विकास गरेका छन्।
कार्यकारी निर्देशक भीष्म सुवेदी र गरिबमैत्री आर्थिक विकास कार्यक्रम व्यवस्थापक सुशील ज्ञवालीले सीपीएल का अध्यक्ष महेश पटेलसँग पीएनजी ले आफ्ना प्राकृतिक स्रोतका आधारमा तल्लो तहमा एन्सावले कसरी सहयोग गर्न सक्छ भन्ने विषयमा छलफल गरे। एन्सावले पीएनजी मा सञ्चालन हुने पाइलट परियोजनामा समुदायका लागि उद्यमका विकल्प पहिचान गर्न तथा सामुदायिक उद्यम विकास र वातावरण संरक्षणका हस्तक्षेप तर्जुमा गर्न सीपीएल लाई आफ्नो विशेषज्ञता उपलब्ध गराउनेछ। साझेदारी अनुसार, एन्सावले तयारी उत्पादनका लागि बजार खोज्न पनि सीपीएल लाई सहयोग गर्नेछ।