एन्सावले नेपालमा सबैभन्दा गरिब स्थानीय जनताको हितमा केन्द्रित रहेर गैरकाष्ठ वन पैदावार (एनटीएफपी) मा आधारित उद्यम स्थापना, यी उत्पादनको दिगो उपयोग, प्रशोधन, मूल्य शृङ्खला विकास र बजारीकरणको अगुवाइ गर्यो। दिगो वन व्यवस्थापनका लागि सामुदायिक वन उपभोक्ता समूह र साना संस्थाको क्षमता विकास र सुदृढीकरण गर्दै स्थानीय समुदाय, सरकार र एन्सावको सहभागितामूलक भूमिकामार्फत तिनलाई बजार, सेवाप्रदायक र राष्ट्रिय नीतिसँग जोड्न एन्सावले विशेष चासो राख्यो। यही दृष्टिकोणका आधारमा, एनटीएफपीको सङ्कलन, मूल्य अभिवृद्धि र व्यापारमा संलग्न जम्मा १,१६६ आर्थिक इकाइ विकास र सुदृढ गरेको छ, जसमार्फत ४०७ सामुदायिक वन उपभोक्ता समूह (सावउस) को सुधारिएको सामुदायिक व्यवस्थापनमा जम्मा १,०१,०५५ हेक्टर वन र चरन क्षेत्र ल्याइएको छ। यी आर्थिक इकाइमा हस्तनिर्मित कागजको सबैभन्दा महत्त्वपूर्ण वितरकमध्ये एक हिमालयन बायो ट्रेड लिमिटेड (एचबीटीएल) र जैविक ब्रिकेटको सबैभन्दा महत्त्वपूर्ण वितरक हिमालयन न्याचुरल्स सहित ६८ वटा क्षेत्रीय तथा राष्ट्रिय प्रशोधन र बजारीकरण उद्यम पर्छन्।
साना तथा मझौला उद्यमसम्बन्धी हाम्रा परियोजना हेर्नुहोस्
सम्बन्धित पुस्तक तथा पुस्तिका हेर्नुहोस्
सम्बन्धित सफलताका कथा हेर्नुहोस्
एन्साबको गृहपृष्ठमा प्रदर्शित साना तथा मझौला वन उद्यम पढ्नुहोस्
अल्लो कपडा – खुङ्खानी, बाग्लुङ सुगन्धित तेल – लेखफाँट, पर्वत हस्तनिर्मित लोक्ता कागज – रुमा, म्याग्दी यार्सागुम्बा – बझाङ
