ड्यूचे गेसेलशाफ्ट फर इन्टरनेसनाले जुसामेनार्बेट (जीआईजेड) नेपालले आफ्नो इन–म्याप्स (आईएन–म्याप्स) परियोजनाका कार्य जिल्लाका लक्षित सामुदायिक वनको स्रोत लगत तयारी र सञ्चालन योजनाको पुनरावलोकन र परिमार्जनका लागि एन्साबलाई छनोट गरेको छ। परियोजनाले छनोट गरिएका औषधीय तथा सुगन्धित वनस्पति प्रजातिको लगत सङ्कलन गर्ने र इन–म्याप्स परियोजना जिल्लाका सामुदायिक वन उपभोक्ता समूहलाई आफ्ना सामुदायिक वन सञ्चालन योजना परिमार्जन गर्न सहयोग गर्ने लक्ष्य राखेको छ। इन–म्याप्स जिल्लामा रहेका जम्मा १२६ सामुदायिक वन उपभोक्ता समूह (सीएफयूजी) यस परियोजनाबाट लाभान्वित हुने अपेक्षा गरिएको छ। परियोजना पिपल्स हेल्प ग्रुप (पीएचजी) सँगको साझेदारीमा तीन महिनाको लागि कार्यान्वयन गरिँदै छ।
