भारतमा इको-उद्यम कार्यशालामा सहभागिता
नोभेम्बर ३, काठमाडौँ – नेपालको एसिया नेटवर्क फर सस्टेनेबल एग्रिकल्चर एन्ड बायोरिसोर्सेस (एन्साब) नोभेम्बर ४–६, २००४ मा भारतको ऊटीमा हुने इको-उद्यमसम्बन्धी कार्यशालामा सहभागी हुँदैछ। कार्यशालामा समता, दिगोपन, लाभप्रदता, बजार र वातावरणमैत्री उद्यम व्यवस्थापनका पक्षमा केन्द्रित छलफल हुनेछ। फोर्ड फाउन्डेसनद्वारा आयोजित यस कार्यशालामा नेपालको सहभागिता बजार सम्बन्ध विकास गर्ने तथा आय आर्जन र जैविक विविधता संरक्षणमा योगदान पुर्याउने उद्यममा आधारित पारिस्थितिक दिगोपनसम्बन्धी विचार र ज्ञान साझा गर्ने अवसर पनि हो।
भारतमा हुने इको-उद्यम कार्यशालाका सहभागीमध्ये एन्सावका कार्यकारी निर्देशक श्री भीष्मप्रसाद सुवेदी एक हुनुहुन्छ, जसले कार्यशालामा ‘के समुदाय र उद्यमले संरक्षण र स्थानीय जीविकोपार्जनका लागि सहक्रिया सिर्जना गर्न सक्छन्?’ भन्ने कथा सुनाउनुहुनेछ।
दक्षिण एसिया क्षेत्रमा कार्यरत एन्साबले नेपालमा जैविक विविधता, विशेषगरी गैरकाष्ठ वन पैदावार (एनटीएफपी) को जनकेन्द्रित संरक्षण, व्यवस्थापन र उपयोगसँग सम्बन्धित पारिस्थितिक, प्राविधिक, आर्थिक र सामाजिक-सांस्कृतिक पक्षमा एक दशकभन्दा बढी समयदेखि गरेको कामका कारण यो क्षेत्रमा केन्द्रीय स्थान ओगटेको छ। त्यसैले एन्सावलाई कार्यशालामा अनुभव साझा गर्न र योगदान दिन अनुरोध गरिएको थियो।
इको-उद्यमसम्बन्धी कार्यशालामा फोर्ड फाउन्डेसनका कार्यक्रम कर्मचारी तथा जैविक विविधता संरक्षण, उद्यम विकास र दिगोपनको क्षेत्रमा काम गर्ने विश्वभरका विभिन्न संस्था र व्यक्तिहरू सहभागी हुँदैछन्।