गैरकाष्ठ वन पैदावारसम्बन्धी राष्ट्रिय नीतिगत कार्यशाला

एन्सावले जुलाई ४–५, २००३ मा नगरकोटमा वन तथा भू–संरक्षण मन्त्रालय, वन विभाग, वनस्पति स्रोत विभाग, सामुदायिक वन उपभोक्ता महासङ्घ नेपाल (फेकोफन), हिमाली जडीबुटी सरोकार समूह (एचजेएसएस), सार्वजनिक–निजी गठबन्धन (पीपीए), नेपाल गैरकाष्ठ वन पैदावार सञ्जाल (एनएनएन), तथा युएसएआईडी र एसएनभी नेपाल लगायत दातृ निकाय जस्ता विभिन्न संस्थाको प्रतिनिधित्व गर्ने सम्भव भएसम्म व्यापक दायराका सरोकारवालालाई सहभागी गराई राष्ट्रिय स्तरको नीतिगत कार्यशाला आयोजना गर्‍यो। कार्यशालाले गैरकाष्ठ वन पैदावारका नीतिगत मुद्दाको छानबिन गर्न सक्यो। कार्यशालाका मुख्य सिफारिसलाई नीतिगत दस्तावेजमा रूपान्तरण गर्न र सकेसम्म चाँडो व्यवहारमा ल्याउन सबै पक्षबाट सहमति भयो।