मेडहर्ब ग्रिन पेजेज २०१० – भारत र नेपाल
नेपाल सरकारले जडीबुटी तथा जडीबुटीजन्य उत्पादनलाई नेपालबाट निर्यात हुने (बाह्र निर्यात वर्गमध्ये) प्रमुख वस्तुमध्ये एकका रूपमा प्राथमिकता दिई सूचीकृत गरेको छ। यो नेपालका सबै गैरकाष्ठ वन पैदावार (एनटीएफपी) सरोकारवालाका लागि उत्साहजनक समाचार हो। तर यो क्षेत्र मुख्यतः बजारका सम्बन्धमा धेरै अनिश्चितताको सामना गरिरहेको छ। सामान्यतया नेपालका सबै किसान, सङ्कलक, व्यापारी र निर्यातकले एनटीएफपी व्यवसायसम्बन्धी निर्णय गर्दा अन्तिम बजारको माग, मूल्य र बजारका आवश्यकताबारे जानकारी र ज्ञानको अभाव अनुभव गर्छन्। सामान्य बुझाइ अनुसार बजारले पूर्ण जानकारी होइन, सङ्केत मात्र दिन्छ, तर नेपालमा एनटीएफपी क्षेत्रको विकास निर्धारण गर्ने यो सबैभन्दा शक्तिशाली कारक हो।
अत्यन्त स्रोतको अभावमा पनि १० वर्षभन्दा बढी समयदेखि बजार सूचना सङ्कलन, सङ्कलित सूचनाको सम्पादन र प्रसारणमा गरिएको एन्सावको निरन्तर सेवाले नेपालको एनटीएफपी क्षेत्रको विकासमा राम्रो योगदान पुर्याएको एन्सावको विश्वास छ। सामान्यतया एन्सावले महत्त्वपूर्ण सूचना सङ्कलन गरी आवश्यकता अनुसार परिमार्जन गर्छ र विभिन्न माध्यमबाट सम्बन्धित सरोकारवालासमक्ष पुर्याउँछ। यसका लागि भारत र नेपालका विभिन्न बजार केन्द्र तथा व्यावसायिक पत्रपत्रिका र कागजात अध्ययन मुख्य सूचना स्रोत हुन्। बजार सूचना सेवा (एमआईएस) को माग नेपाल र भुटानका विभिन्न सरोकारवालाबाट पनि भएको छ। नेपालमा यो बजार सूचना प्रणाली (एमआईएस) सञ्चालन गर्न निरन्तर सहयोग, प्रतिक्रिया र सुझाव दिने सबैप्रति एन्साब आभारी छ।
विगतमा एन्सावले बजार सम्बन्ध सहजीकरणका लागि एनटीएफपी उद्यमीहरूको निर्देशिका प्रकाशन गर्यो। उद्यमी निर्देशिका प्रकाशनको प्रयासलाई व्यवस्थित गर्ने क्रममा नयाँ दिल्ली (भारत) को रावल मेडहर्ब्स कन्सल्ट्यान्ट्स प्रा. लि. का श्री जनक रावलले निर्देशिका प्रकाशनमा सहकार्यका लागि एन्सावसँग सम्पर्क गर्नुभयो। निजी उद्यमको यस्तो चासो दिगो विकल्प हो भन्ने ठानी एन्सावले नेपालबाट जानकारी सङ्कलनमा कम्पनीलाई सहयोग गर्यो। मेडहर्ब ग्रिन पेजेज २०१० (भारत र नेपाल) हालै कम्पनीले प्रकाशन गरेको छ। निर्देशिकाले भारत र नेपालका औषधीय तथा सुगन्धित वनस्पतिको बजारबारे राम्रो जानकारी दिने अपेक्षा गरिएको छ। निर्देशिकाबारे विस्तृत जानकारीका लागि संलग्न प्रचारात्मक इमेल हेर्नुहोस् वा http://www.ansab.org/publication/medherb-green-pages-2010/ मा जानुहोस्।
यस सन्दर्भमा, मेडहर्ब ग्रिन पेजेज २०१० (भारत र नेपाल) एन्सावमा बिक्रीका लागि उपलब्ध रहेको जानकारी गराउन पाउँदा एन्साब खुसी छ। मेडहर्ब ग्रिन पेजेजको अर्डर पक्का गर्न तपाईं काठमाडौँस्थित एन्साब कार्यालय (९७७-०१-४४९७५४७) मा सम्पर्क गर्न सक्नुहुन्छ। मेडहर्ब ग्रिन पेजेजको मूल्य प्रतिप्रति रु १८०० हो र प्रतिसँगै रु ३२० मूल्यको जडीबुटी विषयक एउटा क्यालेन्डर निःशुल्क दिइनेछ।