एन्साबले “नेपालका साइटेस सूचीकृत वनस्पति प्रजाति” बारे प्रस्तुति दियो

१० जुन २०२२

२०२२ जुन १० मा वनस्पति स्रोत विभागले आयोजना गरेको अन्तरक्रिया कार्यक्रममा एन्साबका कार्यक्रम निर्देशक श्री पुष्पलाल घिमिरेले नेपालमा साइटेससम्बन्धी गतिविधि कार्यान्वयन गर्दा संस्थाले पाएको अनुभव र सिकाइ साझा गर्नुभयो। उहाँको प्रस्तुति साइटेस सूचीकृत वनस्पति प्रजातिको दिगो व्यवस्थापनमा एन्साबको अनुभवमा केन्द्रित थियो, विशेष गरी स्रोत मूल्याङ्कन, दिगो संकलन र व्यापारबारे स्थानीय समुदायको क्षमता विकास, साइटेस कानुनको कार्यान्वयनतर्फ नेपाल सरकारसँगको निकट कार्य, र राष्ट्रिय स्तरका उत्पादक कम्पनीहरूको बजार अनुसन्धान र रणनीति विकासमार्फत जटामसीलगायत साइटेस सूचीकृत वनस्पति प्रजातिको अन्तर्राष्ट्रिय व्यापार सहजीकरणमा। प्रस्तुतिमा हालका चुनौतीको सूची पनि समावेश थियो, मुख्यतया नीतिगत विरोधाभास, कोटा निर्धारणका लागि दह्रो लगत सङ्कलन विधि, व्यापार नियमन गर्न अन्तर्राष्ट्रिय निकायसँगको सञ्चार र साइटेस सूचीकृत वनस्पति प्रजातिको व्यापार पहिचानयोग्यता, तथा ती चुनौती सम्बोधन गर्ने सम्भावित अगाडिका बाटो।

अन्तरक्रिया कार्यक्रममा वनस्पति स्रोत विभाग, वन तथा भू–संरक्षण विभाग, त्रिभुवन विश्वविद्यालयका प्रतिनिधि र साइटेसको अनुसन्धान, नीति निर्माण र कार्यान्वयनमा संलग्न व्यक्तिगत विज्ञहरूको सहभागिता थियो।