एन्साबले नेपालमा बायोब्रिकेट उत्पादकहरूको भेला आयोजना गर्यो
२२ अगस्ट २०११
एन्साबले बायो–ब्रिकेट उत्पादन र बजारीकरण कम्पनी हिमालयन नेचुरल्स प्रा. लि. को सहकार्यमा २०११ अगस्ट २० मा काठमाडौंस्थित एन्साब मुख्य कार्यालयमा नेपालका बायो–ब्रिकेट उत्पादकको बैठक आयोजना गर्यो। बैठकले नेपालमा बायो–ब्रिकेट क्षेत्रका मुद्दा, चुनौती र अवसर र प्रस्तावित बायो–ब्रिकेट उत्पादक सङ्घको विधानबारे छलफल गर्यो। बैठकले प्रस्तावित सङ्घको नाम नेपाल बायो–ब्रिकेट उत्पादक सङ्घ अन्तिम गर्यो र श्री सुशील ज्ञवाली अध्यक्ष, सुश्री धनमाया मगर उपाध्यक्ष, श्री देव बहादुर श्रेष्ठ सचिव, श्री सीताराम तामाङ कोषाध्यक्षसहित सात सदस्यीय तदर्थ कार्यकारी समिति गठन गर्यो। समितिका तीन कार्यकारी सदस्य श्री मित्र जिरेल, श्री कृष्ण प्रसाद पाण्डे र श्री देवी बहादुर नेपाल हुन्। बैठकले एक महिनाभित्र सङ्घ दर्ता गर्ने निर्णय गर्यो र नेपालमा बायो–ब्रिकेट क्षेत्र प्रवर्द्धनका लागि एक वर्षे कार्ययोजना अन्तिम गर्यो।