एन्साबले काठमाडौंमा रेड–प्लस एसिया–प्यासिफिक क्षेत्रीय कार्यशाला आयोजना गर्यो
९ अगस्ट २०१९
एसिया–प्यासिफिकस्तरको रेड–प्लस क्षेत्रीय कार्यशाला एन्साबले पूर्वी प्रशान्त तथा प्रशान्त क्षेत्रका नागरिक समाज संस्था र स्थानीय समुदायका लागि रेड–प्लसमा एफसीपीएफ–क्षमता विकास परियोजनाको एक हिस्साका रूपमा २०१९ अगस्ट ५ देखि ७ सम्म काठमाडौंमा आयोजना गर्यो। कार्यशालाको उद्देश्य i) फिजी र भियतनाममा रेड–प्लस क्षमता विकास उप–परियोजना कार्यान्वयन गर्ने नागरिक समाज संस्थाबाट प्रत्यक्ष सिकाइ तथा अनुभव आदानप्रदान गर्नु, ii) रेड–प्लसमा नागरिक समाज संस्था र स्थानीय समुदायको देश/क्षेत्रीय स्तरको क्षमता विकासबाट प्राप्त फराकिलो अनुभव साझा गरी छलफल गर्नु; र क्षेत्रका नागरिक समाज संस्था र स्थानीय समुदायको क्षमता विकासका प्रमुख सिकाइ, उत्कृष्ट अभ्यास र अबका कदममा सहमत हुनु थियो। एफसीपीएफ एसिया–प्यासिफिकका एघार देशका सरकार र नागरिक समाज संस्थाका प्रतिनिधित्व गर्ने, अन्तर्राष्ट्रिय र क्षेत्रीयस्तरका संस्था तथा क्षेत्रका हालका र पूर्व एफसीपीएफ नागरिक समाज संस्था पर्यवेक्षकसहित ४० भन्दा बढी व्यक्ति कार्यशालामा सहभागी भए।