एन्सावको सञ्चालक समितिको बैठक २००६ सम्पन्न

एन्साब (एसिया सञ्जाल फर सस्टेनेबल एग्रिकल्चर एन्ड बायोरिसोर्सेस) ले मार्च २८–२९, २००६ मा काठमाडौँमा आफ्नो सञ्चालक समितिको बैठक सम्पन्न गर्‍यो। बैठकले एन्सावको हालको अवस्था र कार्यक्रमको सिंहावलोकन, सदस्यले अनुभव आदानप्रदान, एन्सावका रणनीति र योजनामाथि छलफल, एन्साब कर्मचारी नीति २००१ को तेस्रो संशोधन, आर्थिक वर्ष २००५ को वित्तीय विवरण, सन् २००६ को प्रशासनिक बजेट, लेखापरीक्षकको नियुक्ति, प्रशासन तथा वित्त म्यानुअल निर्माण, एन्साब सञ्चालक समितिको संरचना र समितिको निर्वाचनसम्बन्धी एजेन्डा स्वीकृत गर्‍यो। निर्वाचनमा डा. जोन डब्लू. क्राउचरलाई सञ्चालक समितिको अध्यक्ष र प्रा. डा. एसपी सिङलाई उपाध्यक्षका रूपमा मनोनीत गरियो र अन्य सदस्यलाई पहिलेकै पदमा कायम गरियो।