भुटानको एक टोलीद्वारा एन्साबको भ्रमण

सरकारी तथा गैरसरकारी संस्था, सामुदायिक वन व्यवस्थापन समूह र किसानहरूको प्रतिनिधित्व गर्ने भुटानका २५ सदस्यीय टोलीले अगस्ट २३, २०११ मा एन्साब केन्द्रीय कार्यालयको भ्रमण गर्‍यो। कार्यक्रममा एन्साबका गरिबमैत्री आर्थिक विकास कार्यक्रम व्यवस्थापक पुष्पलाल घिमिरे, फरेस्ट कनेक्ट कार्यक्रम संयोजक सुदर्शन खनाल र कार्यक्रम अधिकृत कबिर रत्न स्थापितले साना तथा मझौला वन उद्यम (एसएमएफई) सम्बन्धी हालका कार्यक्रम तथा गतिविधि र केही अवधारणा भुटानमा दोहोर्‍याउन सकिने सम्भावनाबारे टोलीलाई जानकारी गराए। एन्सावले भुटानको वन तथा निकुञ्ज सेवा विभाग र एसएनभी भुटान लगायत विभिन्न सरकारी तथा गैरसरकारी संस्थालाई एसएमएफई क्षेत्रमा सेवा उपलब्ध गराउँदै आएको छ।