बजार सूचना प्रणाली
यस खण्डले गैरकाष्ठ वन पैदावार (NTFPs) तथा उच्च मूल्यका नगदे बाली (HVC) का क्रेता र विक्रेताबीच दिगो संकलन, खेती, बजार प्रवृत्ति विश्लेषण, नयाँ उत्पादन विकास र बजार सम्बन्धसम्बन्धी जानकारी उपलब्ध गराउँछ।
उद्देश्य
एन्साब बजार सूचना प्रणाली (MIS) को मुख्य उद्देश्य स्थानीय सरोकारवालासँगको सहकार्यमा नेपालका रणनीतिक गैरकाष्ठ वन पैदावार/उच्च मूल्यका नगदे बाली उत्पादन केन्द्रका स्थानीय सङ्कलक, उत्पादक र व्यापारीहरूको सूचनामा पहुँच सुधार्नु हो। विशिष्ट उद्देश्यहरू:
- उप–क्षेत्रमा व्यावसायिक निर्णय लिन सान्दर्भिक सूचनामूलक सामग्री सङ्कलन, सङ्कलित गर्ने र विकास गर्ने;
- प्राकृतिक स्रोतमा आधारित उद्यम, व्यापारी र उद्यमीलाई उद्यम विकास सहयोग सेवा उपलब्ध गराउने;
- गैरकाष्ठ वन पैदावार उद्योगको वृद्धि सुनिश्चित गर्न उत्पादक र बजारबीच दीर्घकालीन र दिगो सम्बन्ध स्थापना गर्ने;
- उपयुक्त प्रविधि र उत्पादन विकासको परिचय, पुनरावृत्ति र प्रसारमार्फत प्राकृतिक स्रोतमा आधारित उत्पादनलाई बजारमा प्रतिस्पर्धी बनाउने।
MIS ले उप–क्षेत्रका मूल्य शृङ्खलाका सदस्यहरूलाई स्थानीय, क्षेत्रीय र अन्तर्राष्ट्रिय बजारमा उनीहरूको प्रतिस्पर्धात्मकता बढाउन विभिन्न प्रकारका सामान्य तथा अनुकूलित सेवा उपलब्ध गराउँछ। अधिकांश सेवा निःशुल्क छन्।